Thursday, October 11, 2018

අදින් පසු.......

හීන විතරක් මොටද තුරුළු කර මියැදෙන්න
අපේ තනිකම් අපිම මතක් කර හිනැහෙන්න
පාන නිවුණත් අඳුර එපා අහලක         එන්න
පේන දුරකින් රැඳී  හිතේ දුක          පුරවන්න

වහින වැස්සට එපා තෙමී ලය ගිනි      ගන්න
ලෙඩ දුකට සිනාසී එපා නුහුරුව           ඉන්න
බීව දිය බිඳුව වුව නුඹට අමබිඳු වෙන්න
යන එනා මග තොටක කල්පනාවෙන්  යන්න

මල් නොපිපුණත් නපුරු ගල් එපා හමුවෙන්න
සිල් ගත්තු හිතින් පෙම් මල් මලසුනේ  ලන්න
නිල් පාට ආකහේ පුරාවට හැඩ           වෙන්න
බොල් සුළගෙ හොරැහින්ම හාදුවක් තවරන්න

මත් බිගුන් රැස් කකා හිනැහේවී  සැඟවෙන්න
හිත් පතුල මත ලිව්ව මගෙ කවිය    කියවන්න
ලත් නමුදු නෙකගැහැට කඳුළු පිස හිනැහෙන්න
වත්කමයි එය මගේ හුස්ම ටික         රැකගන්න



6 comments:

හිමි අහිමි

තඹර, ඇත්තටම මං ඔයාට ආදරේ කලේ පිස්සුවෙන් වගේ. මං හිතුවා මං තමයි වාසනාවන්තම කෙල්ල , ඔයා වගේ කොල්ලෙක් ලබන්න කියලා. මොකද මං හිතුවා ඔයත් ...